Le blog de rohutu no'ano'a

Te mä atu ra te mäa tahito,   te tupu mai ra te mäa âpi.   Tei nià o Matarii :
ua haamata te tau àuhune.

   

E toèrau te mata’i tamau,
e huriuri i nià, i te maoàe.

E âvaè uaua.

E âvaè àuhune no te ià :
e topa te àuhopu, te ature, te àahi,
te ôtava,te vaù, te päihere,
te moi, te toàu , te marava.

Te àta :
ature, manauea (maito huà e maroà huà),
päàuara, nehu.

E âvaè faatupuraa räau.

E âvaè tano no te tanu
ia paari te mäa i te âvaè paùrä :
ùmara, taro, taruä, ufi.

E âvaè àuhune no te mau mäa nià.